Rullestadjuvet og Postvegen

Om

Rullestadjuvet er eit dramatisk og flott naturområde som er tilgjengeleg både med bil og til fots. Her er bratte fjellsider der enorme jettegryter skjuler seg, elva går i fossar og stryk før landskapet opnar seg med fine gardar nede på flaten ved Rullestadvatnet.
Den gamle europavegen går i trange hårnålsvinger gjennom juvet på eine sida av elva, og er open for biltrafikk (men blir ikkje brøyta). På andre sida går den gamle Postvegen frå 1800-talet som var ferdig restaurert i 2009, og er blitt ein flott og mykje brukt tursti. Målaren Lars Hertervig fann insiprasjon til nokre av sine mest berømte motiv i dette landskapet.
Gamlevegen er skilta som som severdighet. Postvegen er også skilta og startar ved garden Skromme på toppen av gamle E134 gjennom Rullestadjuvet, og endar opp på gardane nede ved Rullestadvatnet. Ca 2 kilometer. (Sjå også Postvegen under Aktivitetar).