Smalahovetunet

Om

Smalahovetunet på Voss er ei familiebedrift på garden Løne på Voss, som produserer og serverer den tradisjonsrike retten frå Voss heile året. Smalahovetunet er den einaste smalahoveprodusenten i landet, og i tillegg til smalahove vert det også laga pinnekjøt, rullepølse, korv og mange andre tradisjonsrike kjøtprodukt.

Varene får du kjøpt i gardsbutikken og på nettsida til Smalahovetunet. Butikken er open heile året, når det er folk på garden. Her er det berre å stikka innom!

Smalahovetunet har også flotte lokale som gjev den perfekte ramma for festlege lag som konfirmasjon, bryllaup, slektstreff og firmafest. I Stabburet frå 1700-talet, Grindabygget eller "Laoen" kan ein få servert smalahove, pinnakjøt, rjomegraut, spekemat, flatbrød og alt som høyrer til. Det er også mogleg å få omvisning på smalahovefabrikken der den daglege produksjonen pågår.

For bestilling av servering og omvisning, send e-post til post@smalahovetunet.no.